في بيتنا cat?

السلام عليكم ورحمه الله وبركاته



صباح الخيرات والليرات
صباح الأكشنات والروقانات


..
..


مالي داعي مقدمات ومدري كيف
بس تخيلوا جكشان قدامكم وتكون أحلى مقدمه
<< مصدقهـ عمرهـا


..
..


السالفهـ ومافيها اني مفكرهـ اكتب موضوع
بس مو هذا
هذا حدث لهذا الصباح وقلت اكتبهـ وهو طازج


..
..


بدايهـ القصهـ
اني كنت جالسهـ اليوم الصبح على النت كعادتي اليوميه


جتني اختي
* فيهـ بسهـ (قطوة) بالمطبخ


* لاتكون حقت ابو مقبل توها تاصل من الرياض


* وش مقبلهـ


* بعدين تعالي نشوف بس


طلعت من الغرفهـ قلت لها تعالي ننزل تحت نشوفها
<< مسويهـ ماتخاف


* بتنزلين روحي لحالكـ


* طيب كلنا وش فيها
خلينا نعيش الاكشن لو مرهـ
عادي خلينا نآخذ نعال الحمام (وانتم بكرامه)
واذا جتنا رمينا عليها


سفهتني وجلست تراقب من فوق


نزلت على درجهـ درجهـ
وانا انادي البسهـ


*كاااااااااااااااااااات
يو لسن مي ..؟!
بليييييييييز كات .. سبيكـ
<< مدري من الي مقنعني ان ثقافهـ القطوة انجليزي



ولا ترد علي
<< مصدقهـ عمرهـا المسكينهـ


نزلت لحد ماوصلت نص الدرج
الي يسمح لي اطل على المطبخ


أناظر يمين يسار
وش اشوف
حصلتها منبطحهـ (منسحدهـ - مسترخيهـ) فوق البرادهـ


* هذاها لقيتها لقيتها
كاااااات كم هير بليز


مادريت إلا قامت
أثرها بتسوي هجوم انحاري
بتطب بالمغسلهـ



*خلاص لاتكمين كل شيء إلا الانتحار


كل هذا يصير واختي فوق تدق على الشغالهـ وجوالهـ مقفل


أنا لحد هنا سويت مغامرهـ وانجاز يذكر بالتاريخ
لذالكـ قررت اصعد مرهـ اخرى << اصعد


جلسنا نتحاور ونتناقش وش نسوي فيها
ان خليناها وصحت امي ودرت انها بالمطبخ و(إنا) ساكتين
بتذبحنا
وإن صحيناها برضوا بتذبحنا
والشغاله ماترد
ومافيهـ صاحي بالبيت إلا انا واختي


قررنا قرار انحاري شوي
ألا وهو
ندق على السواق يدخل يطلعها


دقينا عليهـ


*فيهـ بسهـ جوا بيت تعال طلع


* بسهـ ايش


* بسه يعني قطوة


* ايش فيه..؟!


اذبحهـ وإلا اذبحه


* يعني ميووووو


* اهاااا


ادخل مع الباب وتلقاها بالمطبخ طلعها


* مطبخ فين


<<


* تعال عند الباب وانا اعلمك وين


جاء عند الباب ودق


* انا في باب


* طيب ادخل


* باب مافيه.. سكر


إنا -->>
نناظر في بعض أجل من وين دخلت البسهـ
لاتكون من الليل متغبيهـ وجالسهـ تخطط
وتوها تنفذ


* طيب الحين نفتح باب


الحين هذا من بيفتح له الباب
والله وبلشنا فيهـ


رحنا وصحينا واحد من اخواني الصغار
بالهواش والمطاق عيا ينزل
يقول أخاف


اختي لبسة شال = جلال = شرشف << بكل اللغات
ونزلت معهـ
بعد مناقر من ينزل قلت لها انتي اكبر لازم احترمكـ وتنزلين انتي
<< لابو الاحترام الي مايجي إلا بهالوقت


فتحوا الباب وراح اخوي يوريهـ المطبخ


كل هذا وانا اراقب الاحداث من فوق الدرج


من الكماخهـ جلس ساعهـ مادخل المطبخ
اخوي دخلهـ ونقز عندي فوق


شوي ونسمع صوت قدور ومواعين
<<


المهم اشياء طاحت
قلنا بس مسكهـ


طلع قال
* دفيفة أنا في يجي


وطلع من البيت


ننتظر


رجع لنا ومعهـ عصا وكيس


يااااااااااااااااااربيهـ هذا ناوي يذبحها
ويصير بيتنا مسكون


شوي ومانسمع إلا بيبان المطبخ كل شوي تتسكر


قالت اختي
صفقوني لو ماطلعت البسهـ هي ملفعتهـ وحطاتهـ بكيستهـ وجايبته لنا


وبعد مرور قرابهـ الــ 7 دقايق


طلع


* كلاس يطلأ باب تاني
الترجمهـ : خلاص طلعت مع الباب الثاني





ومن طلعت مانزلت الدور الي تحت
دامني ماشفتها طلعت قدامي عيني
ماني نازلهـ
وش يضمن لي ان هالهندي طلعها صدق
يمكن هبلت فيهـ ودارت بهـ المطبخ
قال خلوني اقول لهم طلعت وافتكـ


بس نزلوا هم يتفقدون الوضع
حصلوا المطبخ مقلوب فوق تحت

للمعلوميهـ
هذي مو أول ولا ثاني ولا آخر مرهـ
يدخل بيتنا قطاوهـ




شرح الألوان
الاحمر = اختي
الاسود = انا
الموف = السواق
الأورنج = تعليقاتي بالموضوع


<< عشان ابعد عن قالت وقلت ولا يجيني جرح يتشمت



ابو مقبل
بشر هي قطوتكم ..؟!
بس ترى فيهـ روايهـ تقول انها حامل



تنويهـ
كتب هالموضوع تحت تأثير الفراغ الي جاء معاهـ ضحكـ مو صاحي
عشان كذا لا احد يدقق

مشكوووور

وتقبل مروري

العفو

ومتقبل مرورك