السلام عليكم ورحمه الله
أخواني وأخواتي أسأل الله أن يتقبل منا صيامكم وقيامكم وصالح أعمالكم وكل عام وإنتم بخير << حقت العيد
بفضل من الله تم قبولي في جامعه طيبة لدراسه الماجستير وأيضاً الحمد لله تم قبولي من قبل وزارة التربية والتعليم لوظيفه مدرس ولكن ننتظر تحديد المناطق .
أنا الآن محتار بدرجه كبيرة هل أكمل الماستر خصوصاً إن القبول جاني في مدينتي بين أهلي وناسي
وأشيل فكرة التدريس من بالي !
أم على قولتهم أمسك وظيفتي كمدرس واللي مدري فين راح تكون يمكن الخرخير
أنا ماخليت أحد ماسألت والحمد لله إستخرت ربي والله يكتبلي اللي فيه الخير .
منهم اللي قالي إمسك الوظيفة أحسنلك وبعدين إدرس ماجستير عادي ! طيب أنا بأخذ الماستر عشان ماأبغى أصر مدرس .. طموحي أكبر
بس في نفس الوقت صعبه الواحد يترك وظيفة وهذا اللي أنا محتار فيه
كل شوي أقول طيب بعد ما آخذ الماستر يمكن ما ألاقي وظيفه وأقول آه ياليت الوظيفة تعود يوماً
على العموم أنا أكملت أوراقي وسلمتها لعمادة الدراسات العليا .
بعد نزول تحديد المناطق هل أكمل الماستر ؟
أم أذهب للتدريس ؟
على فكرة تخصصي كيمياء
يعني مدرس كيمياء vs ماجستير كيمياء
مين أحلى وأقوى
كل ماأريده منكم رأي ونصيحه فقط ترضاه لنفسك وترضاه لأخاك في الله
في أمان الكريم